Það var mjög gott veður í dag og því tilvalið að setja niður kartöflur í garðinn okkar. Börnin voru dugleg að hjálpa til og mörgum fannst þetta gífurlega spennandi. Leikskólinn Bakki er Grænn leikskóli og er þetta einn liður í okkar framlagi til umhverfisins.

Sú staða kom upp hjá okkur um daginn að við þurftum að hliðra til borðum. Við leystum það þannig að elstu börnin sátu við pallinn og fannst þetta mikið sport að fá að vera þar.

Það er alltaf nóg um að vera í dúkkukrók og í holukubbum. Í holukubbum er smíðað og búnar til byggingar og í dúkkukrók er heimilisstörfum sinnt.

Þá var komið að því að útskrifa elstu fjörulallana á Bakka.

Við lögðum af stað í fínu veðri um tíuleytið á miðvikudagsmorgun. Við ákváðum að fara í sandfjöruna og tókum með okkur pylsur til að grilla og meðlæti.

Elstu börnin fóru í skoðunarferð um Grafarvogskirkju þar sem Gunnar djákni tók á móti okkur. Hann fór með okkur í ratleik um kirkjuna þar sem börnin áttu að finna ýmis tákn sem einkenna kirkjuna. Börnin fengu kerti, kross, blóm ,bækur og vatn og áttu að finna sambærilega hluti í kirkjunni. Við fengum líka að sjá kirkjuklukkurnar og heyra í þeim.