Í þessari viku hefur staðið yfir hópaðlögun á nýjum börnum.

Það eru 22 börn sem kveðja okkur þetta haustið og fara í skóla.

Í lok júní 2010 var tekin sú ákvörðun að sameina leikskólanna Bakka og Berg. Annar skólinn er í Staðahverfi í Grafarvogi en hinn við Kléberg á Kjalarnesi. Við sameininguna er stefnan að úr verði einn leikskóli með tvær starfsstöðvar.

Við tókum upp kartöflur í dag og fengum fína uppskeru eins og sjá má á myndinni. Þær voru rosalega góðar með fisknum í hádeginu.

Fyrir lokun fórum við í  prufuferð með 2007 börnin í fjöruna, það var nú ekki allur hópurinn því sumir voru farnir í frí.

Það gekk mjög vel og voru börnin spennt yfir ferðinni. Við fórum í vinabandi og allir duglegir að ganga í fjöruna. Það var svolítið erfitt til að byrja með að fóta sig í grjótinu en það kom fljótt, þá var farið á fullt að skoða sig um.

Þá er komið að sumarlokuninni á Bakka. Nú verða allir í sumarfríi næstkomandi 2 vikur. Leikskólinn opnar aftur þriðjudaginn 3.ágúst og þá munu börn og starfsmenn fara að streyma inn úr fríi smátt og smátt út ágúst. Frá og með 10.ágúst fara ný Bakkabörn að bætast í hópinn.