Börn á leikskólaaldri eru fljót að detta inn í leik við hvaða aðstæður sem eru. Þau geta fundið leik í öllu, allstaðar og er það frábær eiginleiki sem vert er að efla. Í leik vinna börn úr reynslu sinni, prófa getu sína og gera tilraunir. Í leik getur allt gerst, hlutir lifna við, veruleikinn breytist og börn og leikfélagar fá ný hlutverk. Þar sem tvö eða fleiri börn eru að leik, fá þau að prófa að stjórna og vera stjórnað á jafnræðisgrundvelli.
Í leik læra þau mikilvægi samvinnunar.

Leikurinn er námsleið barnsins og er því rauði þráðurinn í öllu skipulögðu starfi. Í raun erum við að skapa ákveðnar aðstæður til að auka við reynslu og þekkingu barnsins. Þannig fá þau að gera tilraunir, skoða og rannsaka margskonar efnivið i gegnum skipulagt starf.

Helstu áherslur í starfi:
Einstaklingsmiðað nám, málauðugt umhverfi og náttúran þar sem fjaran skipar stóran sess. Við teljum að námssviðin séu okkar sterku hliðar og erum með verkefnastjóra í myndsköpun, hreyfingu, tónlist, fjöruverkefni og elstu barna verkefnum.

Leiðarljósin okkar á Bakka

	Sjálfstæði Við gerum sjálf. Við höfum skoðanir. Við tökum ákvarðanir.
	Virðing Við komum fram við aðra eins og við viljum að sé komið fram við okkur. Við sýnum tillitssemi. Við göngum vel um umhverfi okkar
	Sammvinna Við vinnum saman. Við hjálpumst að Við erum vinir.