Leikskólinn Bakki er staðsettur í miðri náttúruparadís. Fuglalífið er fjölskrúðugt og fjaran næstum því við lóðarmörkin. Það er kyrrlátt og helstu hljóðin sem heyrast eru fuglasöngur, hvinur í vindinum og hlátrarsköll barnanna. Útsýnið er fjöllin, hafið og Snæfellsjökullinn.

Út frá þessari staðsetningu og upplifun, leggjum við áherslu á að endurspegla kyrrðina og notalegheitin sem eru hér allt um kring. Við viljum hafa rólegt og heimilislegt andrúmsloft, þannig að öllum finnist gott að koma til okkar, hvort sem er í lengri eða skemmri tíma.