Við hér á Bakka höfum verið í eTwinning sem er rafrænt samstarf á milli skóla í Evrópu. Í gegnum þá vinnu kynntumst við meðal annars kennara í Bretlandi sem vildi endilega fara í Comeniusarverkefni með okkur og fleiri löndum. Við slógum til og sóttum um styrk og fengum hann.

Verkefnið byggir á því að vinna með fuglana í umhverfi barnanna. Við lærum fuglasöngva á tungumálum samstarfslandanna og gerum ýmis spennandi verkefni sem hægt verður að fylgjast með hér á heimasíðunni.

 

Löndin eru England og Spánn, fleiri lönd ætluðu að vera með en fengu ekki styrk og eru þ.a.l. ekki með. Hins vegar erum við svo heppin að Flataskóli í Garðabæ er einnig í þessu samstarfi og munum við vinna þó nokkuð saman.

 

Comenius er leið sem tengir saman skóla í Evrópu og snýst um samstarf sem á að efla gæðastarf í skólum og Evrópuvitund.