Á föstudaginn var fengum við gesti frá leikskólanum Lyngheimum.

Það voru 13 starfsmenn sem komu að skoða leikskólann okkar og fóru síðan með okkur í fjöruferð.

Fyrir lokun fórum við í  prufuferð með 2007 börnin í fjöruna, það var nú ekki allur hópurinn því sumir voru farnir í frí.

Það gekk mjög vel og voru börnin spennt yfir ferðinni. Við fórum í vinabandi og allir duglegir að ganga í fjöruna. Það var svolítið erfitt til að byrja með að fóta sig í grjótinu en það kom fljótt, þá var farið á fullt að skoða sig um.

Á föstudaginn komu til okkar elstu börnin frá Engjaborg og fóru með okkur í fjöruna.

Við fengum heimsókn frá leikskólanum Furugrund í Kópavogi. Þau fóru með 2005 árganginum í fjöruferð og kíktu svo inn til okkar og borðuðu nestið sitt. Þau komu færandi hendi og gáfu okkur fuglagjöf. Við vorum mjög heppin með veður og sáum 5 seli, mjög mikið af fuglum og kíktum á krummahreiðrið á leiðinni heim úr fjörunni. Við ætlum síðan að heimsækja þau næsta vor og fara með þeim í skógarferð í Fossvogsdalnum.

Þann 22. júní komu til okkar gestir frá Foldaborg á Fjörulallanámskeið.